استقرار سعر الذهب عيار 21 اليوم الثلاثاء في مصر مع توقعات بصعود محدود

أسعار الذهب اليوم في مصر بقت من أكتر الأمور اللى الناس بتتابعها خصوصاً المستثمرين واللى بيحبوا يشتروا دهب للادخار، واللي واضح من التعاملات الصباحية إن سعر الذهب عيار 21  الأكثر تداولًا في مصر  استقر حوالى 7430 جنيه للجرام بعد التراجع اللي حصل أمس بحوالى 70 جنيه، وسط هدوء نسبي في حركة السوق، واللي خلى البعض يتوقع رجوع الأسعار تصعد حوالي 50 جنيه في الأيام الجاية، خصوصاً مع الاستقرار النسبي في الأسعار العالمية للذهب.

حركة السوق بعد استقرار أسعار الذهب اليوم في مصر

المشتري والمستثمر دلوقتي بيتابع الأسعار بحذر، وبيحاول يقرر هل يشترى دلوقتي ولا يستنى صعود محتمل، وده بسبب توقعات الأسواق وتأثر الذهب بحركة الدولار الأمريكي وأسعار السندات العالمية، واللي ساعات بتخلي القرارات محتاجة صبر شوية.

• عيار 24 سجل حوالي 8490 جنيه للجرام
• عيار 21 حوالى 7430 جنيه للجرام، وده اللي بيشتريه معظم الناس
• عيار 18 وصل لـ6368 جنيه للجرام
• الجنيه الذهب حوالي 59440 جنيه

العوامل المؤثرة على أسعار الذهب عالميًا

أسعار الذهب عالميًا شهدت تراجع خلال جلسة التداول الأخيرة، مع تحرك الأوقية بالقرب من مستوى 5100 دولار بعد ما لامست أدنى مستوياتها عند 5015 دولار للأونصة، وده بسبب قوة الدولار وارتفاع عوائد سندات الخزانة، واللي بيقلل الطلب على الذهب باعتباره ملاذ مالي مش بيجيب فايدة، وفي نفس الوقت الأسواق مترقبة التطورات الجيوسياسية في الشرق الأوسط، خصوصاً مع ارتفاع أسعار النفط، واللي بيخلي المستثمرين يتعاملوا بحذر.

وسط كل ده، السؤال اللى شاغل كل مشتري: هل أسعار الذهب اليوم في مصر هتفضل مستقرة ولا هنشوف موجة صعود جديدة الفترة الجاية؟