أسعار الفراخ اليوم في بورصة الدواجن الأحد 8 مارس مستقرة والكيلو يقترب من 100 جنيه

أسعار الفراخ اليوم في بورصة الدواجن مستقرة مع بداية تعاملات الأحد 8 مارس 2026، وده أول سؤال بيسأله أى حد نازل يشترى فراخ للبيت أو حتى تاجر بيشوف السوق ماشى على فين، الأرقام بتقول إن الفراخ البيضاء فى المزرعة حوالى 100 و101 جنيه للكيلو، وده رقم قريب من أسعار الأيام اللى فاتت، السوق شكله هادى شوية رغم إن الطلب فى مصر كبير جداً لأن الاستهلاك الشهرى بيوصل لحوالى 150 ألف طن تقريباً.

أسعار الفراخ اليوم في بورصة الدواجن

لما نبص على أسعار الفراخ اليوم في بورصة الدواجن هنلاقى إن الفروق بين المناطق بسيطة، يعنى السعر ممكن يختلف كام جنيه حسب المحافظة أو التاجر، وده طبيعى فى سوق الدواجن اللى بيتغير بسرعة أحياناً، بس النهارده الصورة العامة إن الأسعار ثابتة تقريباً.

• الفراخ البيضاء فى المزرعة حوالى 100 إلى 101 جنيه للكيلو
• السعر للمستهلك بيدور تقريباً بين 115 و119 جنيه حسب المنطقة
• الدواجن الساسو وصلت حوالى 115 جنيه فى بعض البورصات
• واحد من البياعين قال ببساطة، الناس بتشترى بس بحذر شوية اليومين دول

أسعار الفراخ والكتاكيت اليوم

أسعار الفراخ اليوم كمان مرتبطة بأسعار الكتاكيت والإنتاج فى المزارع، لأن السوق كله سلسلة واحدة، وكل ما التكلفة تزيد شوية السعر ممكن يتحرك بعدها، بس دلوقتى الأرقام باينة مستقرة نسبياً مع متابعة مستمرة من التجار والمربين.

• الدواجن البلدى للمستهلك حوالى 135 إلى 140 جنيه للكيلو
• الساسو للمستهلك حوالى 135 جنيه تقريباً
• الأمهات البيضاء سجلت حوالى 60 جنيه للكيلو
• الكتكوت الأبيض بين 9 و10 جنيهات تقريباً
• الكتكوت الساسو بيدور حوالى 7 و8 جنيهات

أسعار الفراخ اليوم فى بورصة الدواجن بتعكس حالة سوق مستقرة نسبياً، خصوصاً مع إنتاج محلى بيقرب من 4 ملايين دجاجة يومياً، بس برضو السوق معروف إنه بيتغير بسرعة، السؤال اللى ناس كتير بتسأله لنفسها، هل الأسعار تفضل حوالى 100 جنيه ولا نشوف حركة جديدة قريب فى اسعار الفراخ.