أسعار الخضار اليوم في سوق العبور الأحد 8 مارس تشهد ارتفاعات قوية والطماطم تصل إلى 500 جنيه

أسعار الخضار اليوم في سوق العبور شهدت ارتفاعات ملحوظة مع بداية تعاملات الأحد 8 مارس 2026، وده السؤال اللى ناس كتير بتدور عليه قبل ما تنزل السوق أو تروح تشترى من الخضار، التجار بيقولوا إن السبب الرئيسى هو فاصل العروة اللى بيحصل كل موسم، وده بيقلل المعروض شوية فى الأسواق، بس كمان فى عوامل تانية زودت الضغط على الأسعار، خصوصاً مع زيادة الطلب الخارجى على بعض المحاصيل زى البطاطس والبصل خلال الفتره الأخيرة.

أسعار الخضار اليوم في سوق العبور

لما نبص على أسعار الخضار اليوم في سوق العبور هنلاقى إن بعض الأصناف زادت بشكل واضح، خصوصاً الطماطم والفلفل الألوان، وده بسبب قلة المعروض فى السوق حالياً، التجار بيقولوا إن المرحلة دى بتحصل كل سنة تقريباً بس الزيادة المره دى شكلها أوضح شوية.

• الطماطم سجلت أسعار متفاوته جداً من حوالى 100 لحد 500 جنيه حسب الجودة
• الخيار بيتراوح تقريباً بين 14 و15 جنيه للكيلو
• الكوسة سجلت حوالى 10 إلى 15 جنيه
• الفلفل الألوان وصل حوالى 70 إلى 85 جنيه
• واحد من التجار قال ببساطة، فاصل العروة بيقلب السوق يومين تلاته وبعدها الأمور بتهدى

أسعار الخضار الأساسية اليوم

أسعار الخضار اليوم كمان شهدت حركة فى بعض المحاصيل الأساسية اللى بتدخل فى أغلب الأكلات، خصوصاً البطاطس والبصل، لأن الطلب عليهم زاد شوية فى الفترة الأخيرة، وده انعكس على السوق الداخلى حتى لو الزيادة بسيطة.

• البصل الأحمر بيتراوح بين حوالى 12.5 و14 جنيه للكيلو
• البطاطس سجلت من 7 إلى 10 جنيه تقريباً
• الباذنجان الرومى الجديد بين 7 و30 جنيه
• الباذنجان العروس حوالى 25 جنيه كحد أقصى
• الثوم الأحمر بين 7 و11 جنيه بينما الأبيض بين 7 و8 جنيه

أسعار الخضار اليوم فى سوق العبور بتوضح إن السوق داخل مرحلة تغير موسمى بسبب فاصل العروة، بس برضو التجار بيأكدوا إن الأوضاع غالباً بترجع لطبيعتها بعد فترة قصيرة، السؤال اللى ناس كتير بتسأله لنفسها دلوقتى، هل الطماطم تفضل مرتفعة بالشكل ده ولا الأسعار هتهدى خلال الأيام الجاية.