زيادة أسعار البنزين والسولار في مصر اليوم الثلاثاء 10 مارس 2026 بنحو 3 جنيهات لكل لتر

أسعار البنزين اليوم في مصر بقت حديث الساعة لكل سائق وناس بتدور على تفاصيل الزيادة قبل ما تمشي تعبّي تانك العربية، واللى واضح من إعلان لجنة التسعير التلقائي للمواد البترولية إن أسعار البنزين والسولار ارتفعت حوالي 3 جنيهات لكل لتر، يعنى بنزين 80 وصل لـ20.75 جنيه بدل 17.75 جنيه وبنزين 92 حوالي 22.25 جنيه بدل 19.25 جنيه، وده طبيعي ينعكس على مصاريف النقل واللي بيستخدم العربية يوميًا، خصوصاً مع زيادة أسعار السولار اللي وصل لـ20.5 جنيه بدل 17.5 جنيه.

تفاصيل أسعار البنزين والسولار بعد الزيادة الجديدة

الزيادة الجديدة ما أثرش بس على البنزين والسولار، لكن كمان أسعار الغاز والاسطوانات، واللي بيخلي المواطن يحسب مصروفه بشكل أدق، وناس كتير بتسأل: “طب وازاي نقدر نتحكم في مصاريف النقل والطبخ مع الزيادة دي؟”

• لتر بنزين 80 حوالي 20.75 جنيه بعد الزيادة
• لتر بنزين 92 وصل لحوالي 22.25 جنيه
• لتر بنزين 95 حوالي 24 جنيه للتر
• السولار حوالى 20.5 جنيه للتر
• أنبوبة بوتاجاز 12.5 كجم حوالي 275 جنيه بدل 225 جنيه
• أسطوانة بوتاجاز 25 كجم تقريبًا 550 جنيه بدل 450 جنيه
• غاز تموين السيارات حوالي 13 جنيه للمتر بدل 10 جنيه

سبب زيادة أسعار البنزين والسولار في مصر

وزارة البترول والثروة المعدنية أوضحت إن الزيادة جاءت نتيجة تطورات جيوسياسية في الشرق الأوسط أثرت على أسواق الطاقة العالمية، خصوصاً ارتفاع تكلفة الاستيراد والإنتاج المحلي، وزيادة أسعار الشحن والتأمين، وده أدى لقفزة غير مسبوقة في أسعار البترول الخام والمنتجات البترولية الحكومة أكدت إنها بتتابع السوق عن قرب لضمان استدامة الإمدادات والمحافظة على أمن الطاقة في مصر.

الزيادة دي هتأثر على كل القطاعات، من مواصلات، حتى أسعار الخضار والفاكهة، والسؤال اللى بيشغل كل مواطن دلوقتي: هل الارتفاع ده هيستمر ولا في إجراءات لتخفيف العبء على المواطن في الأيام الجاية؟