مؤمن زكريا زوجتي استحملت تعبي واحدة غيرها كانت قالت مش عايزاه

أوضح مؤمن زكريا نجم الأهلي والزمالك السابق، عن حبه الكبير وامتنانه لزوجته التي تحملت معه الكثير من المتاعب والمشاكل بعدما تعرض لأزمته الصحية.

وصرح مؤمن زكريا عندما تم استضافته هو وزجته ريهام الشيمي في برنامج صاحبة السعادة على قناة dmc قائلا “زوجتي يومها صعب، أنا ومالك ابننا بقينا شغلها”.

وأضاف مؤمن زكريا كلامه قائلا “بعد تعبي هي واقفة جنبي، وقبل أي حاجة تعملها لنفسها بتعملها ليا أنا الأول، مثلا صعب إني ألبس هدومي، تلبسني أنا الأول القميص والبنطلون والجزمة، اللي بتعمله زوجتي مش طبيعي، هي متجوزة لعيب كورة، واحدة غيرها كانت قالت لعيب كورة وبطل مش عايزاه، لكن هي صابرة، أنا تعبت بعد سنة ونص جواز، وهي مستحملة معايا”.

وخلال اللقاء كشف مؤمن زكريا عن حمل زوجته مرة ثانية قائلا ” كذا مرة نروح لدكتور ويقول لنا ماينفعش الموضوع صعب، وكانوا فاكرين الحمل صعب بسبب حالته، وفعلا في حالات كده، لكن ربنا جبر بخاطرنا، وعملت سونار وإن شاء الله بنوتة، مع إننا قعدنا فترة بعد مالك مكانش في حاجة”.