متهورة بس بحبك….. أول رد من تامر حسني لزوجته بسمة بوسيل على خبر انفصالهما

جاء أول تعليق من الفنان تامر حسني على زوجته بسمة بوسيل بعد إعلانها خبر الانفصال، فى منشور عبر خاصية الاستورى عبر حسابه الرسمي على موقع تبادل الصور والفيديوهات الشهير” انستجرام

وكتب تامر منشورا فى حب زوجته قائلا ” انا مش هزعل منك وأنا ضهرك وسندك مهما حصل، ويا ريت تركزي مع الناس اللي دعولنا ودعوا لولادنا، وشكرًا لكل الفنانين اللي سعوا للخير لينا».

وتابع قائلا”بسمة حبيبتي للأسف أنتي مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وأنا مشهور ودي طبيعة شغلى اللي عرفتيني وحبتيني بيها إزاي وصلوكي للزعل والبعد فترة المهم أنا مش هزعل منك ولا يرضيني زعلك أنتي حبيبتي وأم ولادي أنا ضطرهك وسندك مهما حصل”

وأضاف “بس اللي عايز أقوله لعل نكون سبب خير في توعية ناس كتير ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الأول إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة، ما بينهم وياريتها مشكلة أصلا ربنا جعل ما بنا مودة ورحمة عشان كده للاسف أنتي عارفة ان في ناس في طبيعتهم حب خراب البيوت، ومش هنخلص منهم بس انتي اللي هتخلصي من فكرة انك تسمعيهم مع انك ماكنتيش كده”

وفى سياق الحديث نفسه قال” ياريتك تركزي مع طاقة الناس اللي دعولنا ودعوا لولادنا بكل خير وفعلا أنا بشكل كل الناس الفنانين اللي سعوا في الخير لينا، وأنا واثق انك دولوقتي زعلانة انك كتبتي كده، هو تصرف متهو منك بس ولا يهمك مش عيب ان الانشان يغلط، ويتعلم، وأنا ياما علمتك ولسه هعلمك، كان نفسي الكلام ده يكون بينا لكن انتي اشركتي الجمهور الكريم فكان لازم ارد هنا بينا حب غالي وحياة كريمة وأولادنا وبيتنا أغلى ما فيها، ربنا يخلينا ليهم ويخليهم لينا يارب متهورة بس بحبك”

الجدير بالذكر أن الفنانة المغربية ومصممة الأزياء بسمة بوسيل كانت أعلنت خبر انفصالها عن الفنان تامر حسني، عبر خاصية الاستورى على حسابها الرسمي على موقع تبادل الصور والفيديوهات الشهير” انستجرام”

وكتبت قائلة”لكل الناس اللي بتبعتلي فيديوهات وصور لتامر وشايفه أنه مش بيعملي احترام سواء في صور أو فيديوهات يا ريت يا ريت ما تبعتولي أي حاجة عشان مش فارق لي أي صور”.

وتابعت “وكمان أحب أعرفكم إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل حد فينا وبطلوا تبعتولي علي الأقل أنا أي حاجة بالتوفيق للجميع”.

اخبار جريدة لحظات نيوز

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *