بالفيديو محمد محمود عبدالعزيز ردا على شقيق ياسمين عبدالعزيز: ألف خسارة على الرجولة ياسمين ب 1000 راجل

شن الفنان والمخرج محمد محمود عبدالعزيز هجوما لاذعا على الفنان وائل عبدالعزيز شقيق الفنانة ياسمين عبدالعزيز، الذى وجه لها العديد من الانتقادات اللاذعة على الملأ؛ نظرا لعلاقتها بالفنان أحمد العوضي، ووجه لكلاهما العديد من الإهانات.

ونشر الفنان محمد محمود عبدالعزيز عبر حسابه الخاص على موقع تبادل الصور والفيديوهات” انستجرام” مقطع فيديو معلقا على ما حدث، وسيحدث.

قائلا” أنا مش عارف اقول ايه بجد ألف خسارة على الرجولة وألف خسارة على الأخوات لما يعملوا كده فى بعض أنا مش طالع أكلم حد بعينه بس الموقف استفذنى خلاص للدرجة دى السوشيال ميديا لحست دماغنا”

واختتم محمد حديثه قائلا” ياسمين عبدالعزيز دى ب 1000 وصاحبة وجدعة ومعروفة برجولتها فى الوسط الفني كله”

#tv/B9SuQaOFyFP/?igshid=yf5y3yln6dcj

ونشر وائل عبدالعزيز عبر حسابه الخاص على موقع التواصل الاجتماعي” فيسبوك” رسالة قائلا”بصي يا ياسمين يا عبد العزيز يا أختي.. أنا معاكي وفي ضهرك من وانتي صغيرة شيلت مشاكل كتيًر بسببك من وانتي عيلة صغيرة”.

وتابع وائل عبدالعزيز “بداية من مشاكلك مع الشاعر وبراده وانتي عارفة إن أنا اتأذيت فيها إزاي وقضية الشغالات مؤخرًا غير قضية الضرب الي كانت بينك وبين بنت هشام سليم الممثلة اللي لبستيها التورتة في وشها.. ووقفت جمبك بكل ما أملك من قوة أدافع عنك في كل موقف صعب مر عليكي ونسيت حياتي ونفسي عشانك وبقي كل همي انا ووالدتك إنك تكبري وتبقي نجمة في مجالك”.

وأضاف وائل عبد العزيز “سيبنالك اختياراتك كلها لنفسك ووافقنالك على معظم قراراتك وكنت الوحيد اللي ساندك ووقفت جنبك في طلاقك.. لكن هنهرتل وتروحي تعرفي واحد أصغر منك بـ 10 سنين.. لا من سنك وتتصوري صور مالهاش اَي لازمة علي حساب سمعتك وسمعتنا.. لا ومحدش هيسمح”.

وفى سياق الحديث نفسه قال وائل عبد العزيز: “من امتى واحنا بنعمل أعياد ميلاد وتنزل علي السوشيال ميديا.. من امتي الناس بتجيب في سيرتنا!؟ ونقعد نتعاكس علي السوشيال ميديا ومع ذلك حياتك وانتي حرة فيها.. أنا هتكلم على الشق اللي يخصني.. انتي مقاطعة كل العيلة عشان تعملي اللي علي مزاجك.. احنا دلوقتي عايزين نفهم العلاقة دي إيه رايحة على فين”.

وأكمل وائل عبد العزيز: “أما بالنسبة للأخ اللي ماشي وراكي في كل حتة وشايفك البيضة الدهب الي هتفقس له كل يوم أحب أقولك يا راجل لما تيجي تدخل بيت تدخله من بابه يا راجل!! وتقعد مع رجالة البيت!!.. دي الأصول وده الاحترام.. وطبعًا لأنك عارف إنك مرفوض رفضًا باتا فعمرك ما هتعمل ده ومعندكش غير طريق الشمال الي انت سالكه من سنين مع بنات الناس!!”.

واختتم وائل عبد العزيز رسالته “أنا من رأيي كفاية عليك البطولة اللي أخدتها والعربية المرسيدس الهدية.. وتركز في شغلك وتسيبنا في حالنا لأن طول عمرنا في حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *