الفن

أحمد فريد يدعم الفنانة داليا البحيري بعد أزمتها الأخيرة” من أنضف الشخصيات ومش بوشين”

بعد أزمة الفنانة داليا البحيري خلال الأيام الماضية؛ بسبب المنشور الذى قامت بكتابته مرة على حسابها الخاص على موقع التواصل الاجتماعي” فيسبوك”

قرر الفنان أحمد فريد الخروج عن صمته، ودعم الفنانة داليا البحيري فى أزمتها،-خاصة أنه يعرفها جيدا، ولا داعي لأحد أن يقوم بتشويه سمعتها.

وكتب أحمد فريد على حسابه الخاص على موقع التواصل الاجتماعي”فيسبوك”

قائلا”بقالي فتره منعزل تماماً عن كل الاخبار والأحداث اللي بتحصل علي سوشيال ميديا لانشغالي التام لظروف خاصه جدا ووفاة الغاليه چودي والده صديقتي دنيا عبد العزيز ومافيش كلام ممكن أقوله علي چودي من كتر نقائها وحبي ليها وغلاوتها عندي ووفاتها بالنسبالي صدمه النهارده اتصدمت وفوجئت من التحفيل والهجوم بطريقه غير اخلاقيه علي الفنانه داليا البحيري ، واللي يعرفني هايعرف مدي علاقتي وقربي منها وبعتبرها اختي ”

وتابع قائلا”انا قريت البوست اللي هي كتبته علي الاكونت ” الخااااص ” بتاعها يعني تتكلم براحتها وتقول اللي عاوزه تقولوا ، وبالرغم كده هي اتكلمت في موضوع استفزها ومستفز ناس كتير محبوسين ومحرومين من الخروج لالتزامهم واحترامهم بقوانين الدولة والموضوع مالوش اي علاقه بالعمال والعمالة خالص والمقصود هم (( الناس اللي بتنزل تعمل شوبنج وخروجات ومقضينها ومش ملتزمين وبقوانين الدولة وعندهم لا مبالاة ولو حد اعترض عليهم وطالب بالحظر الكُلي هايجيبوا سيرة الغلابه وقلبهم علي العمالة اليومية يا حرام وقلبهم متقطع عليهم يعني من الاخر بيتحاموا تحت شعارات انسانيه تلعب علي مشاعر الناس )) زي بالظبط ((( اللي مش بيركعها ولا بيصلي وقلبه متقطع علي إغلاق المساجد )))، هي بقي تقصد نوعية الناس المنافقه دي لان داليا هي اللي عامله اعلان بنك الطعام لمساعدة العمالة اليومية ”

وفى سياق الحديث “كون ان في صحفي لا يمتلك أخلاق المهنة موجود في لستة أصدقائها و المفروض ان الأصدقاء اللي عندها تعرفهم بشكل شخصي ، فياخد “جمله واحد بس من مضمون البوست ” ويعمل بيه تصريح صحفي يسيء ليها ويهاجمها ويستفز الناس الغلابه فا ده اسمه انحطاط اخلاقي وانعدام امانته ومصداقيته وعدم احترام مهنته
ده واحد سمع كلام ونقل الكلام غلط وغير فيه ، اللي مايعرفش داليا البحيري ف هي من انضف واطيب الناس في الوسط الفني و واضحه جدا ومش بوشين ، بيتها مفتوح للناس دايما وخيره وكريمه جدا ومتواضعه جداً والناس الغلابه نقطة ضعفها ”

واختتم حديثه قائلا”من فضلكم تتاكدوا من اي خبر قبل التصديق والنشر وردود الأفعال القاسية والجارحة وأنت خلي عندك ضمير وراعي ربنا في اللي بتعملوا “يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ ”
صدق الله العظيم””

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى