شريف مدكور يرد على منتقديه بعد حديثه عن عذاب القبر

4 أشهر منذ

Rodyna Emad Elmansy

واجه الإعلامي شريف مدكور انتقادات واسعة بعد حديثه عن عذاب القبر، لكنه لم يتراجع، ورد عبر منشور على فيسبوك مؤكدًا أنه من حقه الحديث في الدين مادام لا يكفّر أحدًا.

وكتب شريف مدكور: “أنا أتكلم في الدين براحتي وأقول اللي أنا عاوزه مدام مش بكفّر حد، والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.”

وأضاف: “أنا مش خروف همشي ورا كلام حد، كل واحد يلم نفسه، على الأقل أنا مش بتاجر ولا بعمل سبوبة من ديني، وربنا عارف نيتي وهو اللي بيحاسب في الآخر.”

كما عبّر عن استيائه من رسائل النقد التي تصله، قائلًا: “رجاءً محدش يدخل على الخاص ويكتبلي أن الدين ده دراسة وعلم، خلي كل واحد في نفسه أرجوكم، والناس اللي بتضحك على الكلام أنتم عيال قوي، مفيش حاجة تضحك فيه.”

وكان مدكور قد أثار الجدل بتفسيره لآية من القرآن حول عذاب القبر، حيث قال: “الله ذكر في القرآن: (كل نفس ذائقة الموت وإنما توفون أجوركم يوم القيامة)، ولم يقل في القبر، مما يعني أنه لا يوجد شيء في القبر.”

يذكر أن شريف مدكور يقدم حاليًا بودكاست “ع الرايق” من إنتاج المتحدة للخدمات الإعلامية، إلى جانب تقديمه برنامج “4 شارع شريف” على قناة الحياة.