محمود جابر الأول على القاهرة: اجتهدت في الدراسة وحققت هدفي بفضل الله
حصل الطالب محمود محمد جابر على المركز الأول على مستوى محافظة القاهرة في تخصص تكنولوجيا الصناعات الحيوية – نظام الجدارات بمدرسة مصر لتكنولوجيا الصناعات الحيوية, وأكد محمود في حديثه، أنه وضع هدف التفوق نصب عينيه منذ بداية العام الدراسي وبذل جهداً كبيراً لتحقيقه، قائلاً: “كنت متوقع أكون من الأوائل، دوست على نفسي جامد في المذاكرة وكنت بحضر كل يوم وما غبتش,, السنة دي كان ليا تارجت حاطه لنفسي وكنت ناوي أحققه بأي طريقة”.
ضغط الدراسة والتحديات
أوضح محمود أن العام الدراسي كان مليئًا بالضغوطات بسبب التوازن بين الجانب العملي والنظري والمشاركة في المسابقات, قال: “بدأنا السنة دي عملي بدري، ونزلنا تدريب في الشركة وقعدنا هناك أيام كاملة,, وكمان كنا بندخل في مسابقات على مستوى الجامعات، وكان لازم نذاكر للمسابقة وفي نفس الوقت نذاكر للمذاكرة العادية، فكان في ضغط كبير,, وحققت هدفي بتوفيق ربنا”.
التحديات والتوازن
وأضاف أنه حصل على مجموع 1069 من 1090 بنسبة 98,07%، موضحًا أن أكبر تحدي واجهه هو كيفية التوازن بين المذاكرة والمشاركة في المسابقات, أكد قائلاً: “دي كانت حاجة اتعلمتها إني أرتب وقتي كويس, في المدرسة كمان كان في اختبارات وامتحانات باستمرار علشان يقيموا مستوانا ويشوفوا إحنا وصلنا لفين”.
الدعم الأسري والطموح المستقبلي
أشار محمود إلى الدعم الكبير الذي تلقاه من والدته طوال العام الدراسي قائلاً: “والدتي كانت أكتر حد دعمني، وفرت لي جو مناسب للمذاكرة، وحتى وقت الامتحانات خدت إجازة من شغلها علشان تبقى جنبي لو احتجت حاجة,, بهدي لها النجاح ده كله”, واختتم حديثه معبراً عن فخره بتخصصه في البيو تكنولوجي، وتطلعاته المستقبلية لتحقيق المزيد من النجاحات والتطوير الذات.
تابعوا جريدة لحظات نيوز عبر Google News
