تفاصيل مكالمة عادل إمام لماجد الكدواني في بداية مشواره الفني

كشف الفنان القدير ماجد الكدواني عن تفاصيل المكالمة التي جاءته من الزعيم عادل إمام بعد تعثر نزول فيلمه جاي في السريع ومعاناته في ذلك الوقت من أزمة نفسة وأشار أن هذه المكالمة كانت سبب حقيقي لتغيير حياته.

وصرح ماجد الكدواني من خلال برنامج سهرانين أنه كان يعاني من أزمات نفسية بعد وفاة والدته وأيضا تعثر نزول فيلمه وقال “الفيلم جالي بعد تعب ماما ووفاتها وكان في وقت صعب من حياتي، وبعدين الفيلم نفسه واجه مشاكل ومنزلش، فكنت في حالة نفسية صعبة، وكنت موجود لوحدي في البيت وقاعد مكتئب على سريري، جاءتني مكالمة من الزعيم عادل إمام غيرت حياتي كلها وأدتني درس كبير مش هنساه، ولقيته بيقولي أنا عايزك تركز في التمثيل وبس وسيب السوق يحطك في المكان اللي هو عايزك فيه، وبلاش تكتئب ولا تركز في دعاية ولا سينمات المهم تمثيلك، أنا قبل مدرسة المشاغبين كنا بنعرض في قاعات فاضية”.

وتابع ماجد الكدواني كلامه قائلا “ولما سألته جبت نمرتي منين قالي من صديقك ضياء عبد الخالق، وكمان قالي أوعى تكون قاعد تبص على السقف ومكتئب، أنا بحبك، وحاسس بيك، وحاسس بالمشاعر اللي بتيجي لأي ممثل خصوصا مع الصعوبات اللي بتواجه الأفلام، وبعدها روحت شكرته في المسرح لأن المكالمة دي فرقت معايا وفي طاقتي وفي نفسيتي”.

اترك رد

لن يتم نشر عنوان بريدك الإلكتروني.